Beýik Ýeňşiň 80 ýyllygy mynasybetli Berdimuhamet Annaýew adyndaky Arkadag şäher mugallymçylyk orta hünär okuw mekdebinde gül goýmak dabarasy geçirildi. Dabara Arkadag şäheriniň ýaşaýjylary ak sakgally gojalar, kümüş saçly eneler, edara-kärhanalarynyň işgärleri, ýokary we orta hünär okuw mekdepleriniň talyplary we mekdep okuwçylary hem gatnaşdylar. Bu ýere ýygnananlar ömrüni, ykbalyny Watanyna, mugallymçylyk ýaly asylly käre bagyşlan ilhalar ynsan, ussat mugallym Berdimuhamet Annaýewiň heýkeline tagzym etdiler we ter çemen gül desselerini goýdular.  Soňra gahrymanlary ýatlamak däbine eýerip çärä gatnaşanlar Berdimuhamet Annaýewe bagyşlanan muzeýe syn etdiler we Beýik Ýeňşiň 80 ýyllygy mynasybetli mugallymçylyk orta hünär okuw mekdebiniň talyp ýaşlarynyň taýýarlan aýdym-sazly çykyşlaryna, çeper okaýyşlaryna tomaşa etdiler.