Hepdeligiň dowamynda talyplaryň rus dili boýunça bilimlerini artdyrýan, sözleýiş başarnyklaryny ösdürýän birnäçe çäreler, bäsleşikler, oýunlar geçirildi.

Hepdeligiň açylyş dabarasynda ähli toparlaryň gatnaşmagynda rus dili dersine bagyşlanan çykyşlar, aýdym-sazly kompozisiýalar ýerine ýetirildi. Hepdeligiň birinji gününde talyplaryň ýerine ýetirmeginde “По страницам русского языка” ady bilen konsert geçirildi.

Russiýanyň gözel ýerlerine, bilim ulgamyna, medeniýetine, sungatyna,  ýazyjy-şahyrlaryna, ýaşaýyş-durmuşyna degişli talyplaryň işleriniň sergisi hem guraldy. Mundan başga-da toparlar medeniýetini, däp-dessurlaryny şöhlelendirýän rus saçagyny taýýarladylar.

Hepdeligiň ýapylyş dabarasynda aýdym-sazly çykyşlar görkezildi hem-de hepdeligiň dowamynda geçirilen çärelere işjeň gatnaşan  talyplar sylaglanyldy.