2025-nji ýylyň mart aýynyň 17-sine Berdimuhamet Annaýew adyndaky Arkadag şäher mugallymçylyk orta hünär okuw mekdebiniň mugallymlarynyň we talyp gyzlarynyň gatnaşmagynda  Halkara Nowruz baýramy mynasybetli “Nowruz geldi bu bagtyýar ilime” atly üme çäresi geçirildi. Baýramçylyk çäresiniň dowamynda mekdebimiziň mugallymlary gadymy döwürlerden bäri asyrlaryň jümmüşine siňip giden nusgalyk el işlerimiz, Nowruz baýramynyň ähmiýeti, halk döredijiligi, üme dessury, Gahryman Arkadagymyzyň atalyk kitaplaryndan milli gymmatlyklarymyz, Ogulabat enemiziň ýaş nesillerimize nusgalyk  mekdep bolýan el işleri dogrusynda giňişleýin söhbet etdiler. Söhbetdeşligiň dowamynda milli mirasymyzy, gadymy el işlerini dünýä ýaýmak boýunça talyp gyzlarymyzyň ýerine ýetirmeklerinde edebi sazly çykyşlar, halk döredijiliginden parçalar  görkezildi. Söhbetdeşlige gatnaşyjylar milli mirasymyza sarpa goýýan, milli gymmatlyklarymyzy, medeni mirasymyzy dünýä tanadan Gahryman Arkadagymyza, Arkadagly Gahryman Serdarymyza hoşallyk sözlerini beýan etdiler.