6-njy oktýabrda Hatyra güni mynasybetli Berdimuhamet Annaýew adyndaky Arkadag şäher mugallymçylyk orta hünär okuw mekdebinde ýaşulularyň, kümüş saçly eneleriň, Arkadag şäheriniň edara-kärhanalarynyň işgärleriniň, jemgyýetçilik guramalarynyň wekilleriniň gatnaşmagynda gül goýmak çäresi geçirildi. Geçirilen bu çäräniň barşynda myhmanlar halypa mugallym, watançy esger, ilhalar ynsan Berdimuhamet Annaýewiň heýkeline gül desselerini goýup, onuň ömür we zähmet ýoluna degişli gymmatlyklary özünde saklaýan muzeýe gezelenç etdiler.